Александр Невский Раҫҫей патшалӑхӗн йӗркеленӗвӗнче пысӑк вырӑн йышӑнать. 13-мӗш ӗмӗрте вӑл, 20 ҫулта пулнӑ чух, Руҫ ҫине тапӑннӑ нимӗҫ тата швед ҫарӗсене ҫапса аркатнӑ. Ку вӑл ҫӗршыва кӑна мар, православи тӗнне хӳтӗлени те. Енчен те Ылтӑн Урта ханӗсем хырҫӑ кӑна тӳлеттернӗ пулсан, Левон орденӗ пирӗн несӗлсене хӑйсен тӗнне ҫавӑрасшӑн пулнӑ. Чиркӳри савӑнӑҫлӑ кӗлӗне Шупашкар тата Чӑваш Ен митрополичӗ Савватий ирттерчӗ. Унтан Невский турӑшне йӑтса кнеҫе халалласа лартнӑ палӑк патне утса ҫитрӗҫ. Палӑка мӑнастире Чӑваш Енри пахчаҫӑсен союзӗн ертуҫи Юрий Соколов парнеленӗ. Унта 18 тонна таякан капмар чул ҫине Невский турӑшне вырнаҫтарнӑ.
Надежда Александрова, Лидия Галактионова, Зинаида Паршагина
