Кун пек акцисем шкулта час-часах иртеҫҫӗ. 30 ҫула яхӑн ӗнтӗ блокфлейта ку вӗренӳ учрежденин тӗп палли шутланать. Авӑн уйӑхӗн 1-мӗшӗнче пӗрремӗш класа килекенсем тум-тир тата канцеляри хатӗрӗсемпе пӗрлех вӗрсе каламалли ҫак инструмента туянаҫҫӗ. Хӑйнеевӗр шӑхличпе кашни класрах калаҫҫӗ. Унсӑр пуҫне вӗрентекенсемпе ашшӗ-амӑшӗ те пултарулӑх ӗҫне хутшӑнаҫҫӗ. Кӑҫал пӗр харӑсах 600 яхӑн флейта янӑрарӗ. Унсӑр пуҫне шкулта оркестр та йӗркеленӗ.
Халӗ ачасем черетлӗ концерта хатӗрленеҫҫӗ. Вӗсене Светлана Турбина музыка учителӗ хавхалантарса пырать. Кун пек флешмоба ытти ҫулсенче вӗренӳ ҫулӗ вӗҫӗнче йӗркеленӗ пулсан, кӑҫал авӑн уйӑхӗнчех ирттерме шутланӑ. Ҫапла пӗр-пӗрне ҫулталӑкӗпе тӑрӑшса вӗренме ҫӗкленӳллӗ кӑмӑл парнелес тенӗ.
Надежда Александрова, Дарья Петрова, Екатерина Янгалакова
