Мускаври Луначарский ячӗллӗ Театр институтӗнчен вӗренсе килсенех Нина Яковлева режиссерсемпе куракансене кирек мӗнле жанрлӑ спектакльте те ӑнӑҫлӑ выляма пултарнине ӗнентернӗ. Архивра упранакан кадрсене пӑхатӑн та, тӗнче классики-и е хамӑрӑн драматург ҫырнӑ пьеса, трагеди, драма е камит - Нина Михайловна пӗрре ҫамрӑклах ват кинеми ролӗнче, тепре - арҫын ача, тата тепрехинче - Амӑшӗ. Тӗрлӗ халӑх ҫыннин чунне уҫса кӑтартма пысӑк ӑсталӑх, пӗлӳ, хӑвна ху тепӗр этем тӗнчине йышӑнмалӑх тарӑна кӗрсе палласа илейми улшӑнма пултарни кирлӗ.
Марина Карягина
