Машинсене тӗплӗн тӗрӗсленӗ, кивӗ пайсене ҫӗнетнӗ. Куравра тракторсене, грейдерсене, юр тасатакан ытти техникӑна курма пулчӗ. Сӑмах май, кӑҫал пӗрлешӳ автопаркӗ пуянланнӑ. Ҫулталӑк пуҫламӑшӗнче 4 трактор тата асфальтоукладчик туяннӑ. Пӗтӗмпе пӗрлешӳре 139 ятарлӑ техника. Вӑл тӗп хулари 4 миллион тӑваткал метр ҫул-йӗре пӑхса тӑрать. Ӗҫ лаптӑкӗ ҫулсерен ӳссе пырать. Кӑҫал рабочисем "Ҫӗнӗ Хула" тата Шупашкарпа Ҫӗнӗ Шупашкар хушшинчи ҫулсене те юртан тасатса тӑрӗҫ.
Елена Дмитриева, Семен Антонов
