Хальхи вӑхӑтра Дубовка поселокӗнче хӗрӳ ӗҫ пырать. Рабочисем шыв пӑрӑхӗ хурассипе тӑрӑшаҫҫӗ. Колхоз арканиччен кунта водопровод пулнӑ, анчах вӑхӑт иртнипе тата пӑхса тӑманнипе вӑл юрӑхсӑра тухнӑ. Юсав валли пурӗ 5 миллион ҫурӑ тенкӗ уйӑрнӑ. Укҫан пӗр пайне Мӑ-12 ҫула тӑвакан пӗрлешӳ саплаштарнӑ. Тукасра пурӑнакансем патне таса шыв иртнӗ уйӑхра ҫитнӗ. Кунта та ял ҫыннисене патшалӑх программине хастар хутшӑнни пулӑшнӑ. Шывпа тивӗҫтерес ӗҫ ҫавӑн пекех Вырӑс Улхаш ялӗнче пырать. Кӗҫех Якуртушкӑньре те тытӑнӗҫ.
Леонид Петров, Вадим Владимиров
