Вӗсене Шупашкара ӑратлӑ тискер кайӑксене ӗрчетекен совхозран 2 уйӑх каялла кӳрсе килнӗ. Малтанах ҫӳлевӗҫсене карантинра усранӑ. Ветеринарсем прививкӑсем тунӑ, пӗчӗкскерсене пӑхма тесе ятарлӑ ҫынна та ӗҫе илнӗ. Ҫӳлевӗҫсем сысна ашне ҫимеҫҫӗ, тӗрлӗ кайӑкпа, шӑшипе тӑранса пурӑнаҫҫӗ. Ҫак кунсенче вӗсене читлӗхе куҫарнӑ. Кунта тискер кушаксем хӑйсене ирӗклӗн туяҫҫӗ. Хӗвел ҫинче хӗртӗнеҫҫӗ, выляҫҫӗ, ачашланаҫҫӗ. Пӗр-пӗрне куҫран вӗҫертсен сас парса йыхӑраҫҫӗ. Аҫи - Яша, ами - Дуняша. Ячӗсене ятарлӑ сасӑлав ирттерсе хула ҫыннисемпе пӗрле суйланӑ.
Ҫӳлевӗҫсен читлӗхӗ патӗнче уйрӑмах ачасем йышлӑ. Вӗсем кунта сехечӗ-сехечӗпех ирттерме хатӗр.
Яшӑпа Дуняша тӗрлӗ ҫемьерен. Ҫитӗнсе ҫитсен ҫӳлевӗҫсен йыш хушӑнасса шанаҫҫӗ зоокӗтесре ӗҫлекенсем.
Надежда Александрова, Святослав Петров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Шупашкарти "Ковчег" зоокӗтесре йыш хушӑннӑ &mh_tags=парк николаева,животные,чебоксары,&mh_page=http://chgtrk.ru/novosti/ekologiya-i-priroda/shupashkarti-kovcheg-zooketesre-yysh-hushanna/){kind=small}