Каяш шывсене тасатмалли сооружение ҫӗнетесси патӑрьелсемшӗн тахҫантанпах ҫивӗч тӑракан ыйту пулнӑ. Канализаци тытӑмӗ кивелсе ҫитнине пула юрӑхсӑра тухнӑ. Строительство ӗҫне "Таса шыв" патшалӑх программипе килӗшӳллӗн пуҫӑннӑ. Проект хакӗ - 613 миллион тенкӗ. Каяшсене кунта тӗрлӗ меслетпе тасатса кӑларӗҫ, ҫавӑнпа та экологишӗн хӑрушсӑр пулӗ.
Хальхи йышши комплекс талӑкне 500-е яхӑн кубометр каяш шыв тасатса кӑларӗ. Канализаципе Патӑрьелӗнче пурӑнакан ҫынсем, предприяти-организацисем усӑ курма пултарӗҫ.
Округ пуҫлӑхӗ Рудольф Васильевич пӗлтернӗ тӑрӑх, Патӑрьелӗн хӗвелтухӑҫ пайӗнче те каяш шывсене тасатмалли сооружени тума палӑртнӑ.
Оксана Верликова, Виктор Степанов
