Людмила Чумакова Шупашкарти 60-мӗш шкулта ырӑ ӗҫ тӑвакансен ушкӑнне ертсе пырать. Унта ҫӳрекен хастарсем тӑтӑшах тӗрлӗ акцие хутшӑнаҫҫӗ. Ҫитӗнекен ӑрӑва мӗн пӗчӗкрен ҫут ҫанталӑка упрама, тавралӑха юратма, чӗр-чунсене пулӑшма хӑнӑхтараҫҫӗ. Акцие йӗркелекенсем Ботаника сатне ахальтен суйласа илмен. Вӑл Раҫҫей шайӗнчи пурлӑх шутланать. Кунта тӗрлӗ йывӑҫ-тӗм, ӳсен-тӑран, вӑл шутра эмел курӑкӗсемпе чечексем ӳсеҫҫӗ. Шел пулин те, ҫут ҫанталӑк пуянлӑхне хӑшӗ-пӗри пачах упрамасть. Ҫавӑн пек ҫынсем хӑйсем хыҫҫӑн чылай ӑпӑр-тапӑр пӑрахса хӑвараҫҫӗ. Акци юпа уйӑхӗн пӗрремӗшӗччен пырать.
Елена Дмитриева, Святослав Петров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Чӑваш Енре \"Экодежурный по стране\" акци пуҫланнӑ &mh_tags=экологические субботники,&mh_page=http://chgtrk.ru/novosti/ekologiya-i-priroda/chavash-enre-ekodejurnyy-po-strane-akci-puclanna/){kind=small}