Ӑна Чӑваш художникӗсен союзӗ йӗркеленӗ. Экспозицире пысӑк ӑстасен хайлавӗсемпе юнашар ҫамрӑк ӳнерҫӗсен ӗҫӗсем те пур. Курав анлӑ та пуян, тӗрлӗ енлӗ. Кунта - тӑван тавралӑх илемне е хамӑрӑн халӑхӑн иртнӗ пурнӑҫне, кулленхи йӑли-йӗркине, тӗнчекурӑмне сӑнлакан сӑрӑпа ҫырнӑ тата графика картинисем, кӳлепесем, алӗҫ ӑстисен ӗҫӗсем.
Марина Карягина, Екатерина Янгалакова
Шупашкарти Туслӑх ҫуртӗнче Чӑваш автономине йӗркеленӗренпе 100 ҫул ҫитнине халалланӑ курав уҫӑлчӗ
