Пушкӑртра "Мисс Интернэшнл" ятпа республика конкурсӗ иртнӗ. Унта 18 ҫултан пуҫласа 28 ҫул тултарман хӗрсем тӗрлӗ наци халӑхӗн культурипе паллаштарнӑ. Тупӑшӑва хутшӑнма кӑмӑл тунӑ 60 ҫынтан 12-шӗ финала тухнӑ. Пушкӑртра пурӑнакан чӑваш хӗрӗ те тӑван халӑх илемне кӑтартнӑ. Марина Васильева 23-ре. Мӗн ачаран тӑван чӗлхепе юрлама, ташлама юратнӑ. Конкурсра вӑл "Мисс-интернет" тата "Мисс этно" ятсене тивӗҫнӗ.
Екатерина Фомина