Юсав ӗҫӗсене ирттерме республика бюджетӗнчен 40 миллион тенкӗ ытла уйӑрнӑ. Халӗ тӗп хулари 1-мӗш клиника больницин 4-мӗш поликлиникинче 24 пин ытла ҫын медицина пулӑшӑвӗ илме пултарӗ. Икӗ офисра 12 участок терапевчӗ, 5 специалист ӗҫлет. Тӗп хулари ача-пӑча клиника больницин 1-мӗш поликлиникин филиалӗн сӑн-сӑпачӗ те тӗпрен улшӑнчӗ. Тухтӑрсем пурӗ 4200 ача сывлӑхне пӑхса тӑрӗҫ, 5 участокра йышӑнма хатӗр вӗсене.
Надежда Александрова
