Ку ӑмӑртусене Трак Енре 2013-мӗш ҫултанпа йӗркелеҫҫӗ. Вӗсене Красноармейски тӑрӑхӗнчи сӗтел ҫинчи теннис федерацийӗн президенчӗ Виктор Николаев пуҫарнипе ирттереҫҫӗ. Вӑлах парнесемпе тивӗҫтерет. Ӑмӑртусем ҫулталӑкне ике хут пулаҫҫӗ - кӗркунне тата ҫуркунне. Хальхи турнира 9 шкулти 70 ытла ача хутшӑнчӗ.
Теннисла выляма Красноармейски тӑрӑхӗнчи шкулсенче тивӗҫлӗ майсем туса панӑ. Ҫавӑнпа та вӗренекенсем пысӑк ҫитӗнӳсем тӑваҫҫӗ.
Ачасем 4 ушкӑнра тупӑшрӗҫ. Ҫӗнтерӳҫӗсене медальсемпе, дипломсемпе тата хаклӑ парнесемпе чысларӗҫ.
Надежда Александрова, Юрий Васильев
