"Атӑл" ятлӑ юрра Илья Павлов иртнӗ ҫул нарӑс уйӑхӗнче ҫырнӑ. Чӑн мӑлтан ӑна хӑй вӗренекен ӳнер шкулӗнчи педагогсене кӑтартнӑ. Вӗсем сӗнӳ-канаш панӑ хыҫҫӑн хайлава якатса ҫитернӗ. Ку юрра ҫамрӑк автор "Атӑл" батальонра хӗсметре тӑракан ентешсене халалланӑ. Арҫын ача ҫӗршывра пулса иртекен пулӑмсене чӗрине ҫывӑх йышӑнать.
Ятарлӑ ҫар операцине хутшӑнакансен йышӗнче унӑн ҫывӑх ҫыннисем те пур. Шел пулин те, ҫухату та пулнӑ. Тӑванӗ - Дмитрий Евдокимов летчик Украинӑра паттӑрла пуҫ хунӑ.
Хальхи вӑхӑтра хреснашшӗ Тӑван ҫӗршыва хӳтӗлет. Ильян кукашшӗ те ҫар ҫынни пулнӑ, амӑшӗ вара - юстици майорӗ. Илья хӑй кадет класӗнче вӗренет. "Атӑл" юрра тӳресем тивӗҫлипе хакланӑ. Вӑл ҫӗршыври "Памяти героев верны" конкурсра виҫҫӗмӗш вырӑна тухнӑ
Унсӑр пуҫне ҫак юрӑпа Илья "Катюша-юниор 2024" фестиваль-конкурса та хутшӑннӑ. Унта 2-мӗш вырӑна тухнӑ. Халӗ вӑл Мускавра ҫитес уйӑхра Ҫӗнтерӳ музейӗнче пулакан пысӑк концертра пултарулӑхне кӑтартма хатӗрленет.
Надежда Александрова, Святослав Петров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news="Тӑван ҫӗршыв хӳтӗлевҫисем" фонд ятарлӑ ҫар операцинчи салтаксене халалланӑ конкурса пӗтӗмлетнӗ&mh_tags=чувашия,конкурс,&mh_page=http://chgtrk.ru/nac/novosti/obshchestvo/tavan-cershyv-hytelevcisem-fond-yatarla-car-operacinchi-saltaksene-halallana-konkursa-petemletne/){kind=small}