Хӳтӗлев чиккине тунӑ ҫӗрте ӗҫленисене медальсемпе чысларӗҫ. Йӗпреҫ районӗнчи Чӑваш Ҫармӑс ялӗнче ҫуралса ӳснӗ Анна Антонова та ҫав хӑрушӑ тапхӑрта тертне самай курнӑ. "Паянхи пурнӑҫ ҫӑтмахри пекех туйӑнать. Кун-ҫулӗ лӑпкӑ, пире - аслӑ ӑрурисене - кирек ӑҫта кайсан та хисеплеҫҫӗ", - тет 94 ҫулти хӗрарӑм. Ҫӗнтерӳ кунӗ-и е ытти уяв - Анна Антонова яланах ҫынсемпе хутшӑнма, чуна уҫса калаҫма хавас. Шел пулин те, ҫулсем иртнӗ май килтен пурте тухса ҫӳреймеҫҫӗ. Ҫавӑнпа чыслава хӑш-пӗр ветеранӑн тӑванӗсем ҫитнӗ.
Алиса Александрова, Вадим Владимиров