Шупашкартан 55, Ҫӗрпӳрен 18 ҫухрӑмра вырнаҫнӑ Чурачӑк пӗр хушӑ, 1944-1959-мӗш ҫулсенче, район центрӗ те пулнӑ, шӑпах ҫав вӑхӑтра, 57-мӗш ҫулта, кунти Культура ҫурчӗн никӗсне янӑ, 59-мӗш ҫулта ҫӗклесе лартнӑ. Кивелсе ҫитнӗ клуба паянхи кунпа килӗшӳллӗн ҫӗнетмеллех пулнӑ. Культура ҫуртне тӗпрен юсама республика хыснинчен 7 миллион, районӑннинчен 500 пин тенкӗ уйӑрнӑ-мӗн. Роза Лизакова культура министрӗ республика ертӳҫине Олег Николаева Чӑваш Енри культура аталанӑвӗшӗн нумай тӑрӑшнӑшӑн тав турӗ, Чӑваш кӗнеке издательстви уяв тӗлне кӑларнӑ "Чувашия - древняя и вечно молодая" ятлӑ чаплӑ кӗнекене парнелерӗ.
Марина Карягина, Олег Цыпленков
