Пирӗн пултарулӑх ушкӑнӗ унӑн Питӗр хулинче иртнӗ концертӗнче пулса курчӗ.
Татьянӑн репертуарӗнче - джазпа ретро. Хӑйне ҫак жанрсенче тупнӑ юрӑҫӑн асра юлмалла хӑйне евӗр сӑн-сӑпачӗ, ҫураҫуллӑ хусканӑвӗсем, янкӑс сасси куракана тӳрех тыткӑна илеҫҫӗ. Солист ушкӑнӗнчи кашни музыканта уйӑрса хӑйпе тан ҫӗклеме пӗлет. Чӗрӗ саспа юрлакан артист сцена ҫинчех тум улӑштарать - куракан куҫӗ умӗнчех урӑх сӑнарлӑ пулса ялкӑшать. "Италирен килнисемпе калаҫатӑп-и, испанецсемпе хутшӑнатӑп-и е Бразили хӑнисемпе - мана пурте хӑйсен ҫынни пек йышӑнаҫҫӗ, анчах эпӗ чӑн чӑваш хӗрӗ - атте-анне Канаш районӗнчи Янкӑлч ялӗнче ҫуралса ӳснӗ", - тет Татьяна.
Марина Карягина, Владимир Синдеев