Ҫуркунне вырӑнти пулӑҫсем пӗвене 100 килона яхӑн пулӑ янӑ. Ҫак тӗллевпе 30 пин тенкӗ укҫа пухнӑ. Ҫынсем усӑллӑ ӗҫе хаваспах хутшӑннӑ. Анчах та савӑнӑҫ нумая пыман. Плотинӑри шыв чакма тытӑнсан халӑх пулӑсене ҫӑлма пикеннӗ. Плотинӑран шыв мӗншӗн тарнине пӗлме Шӑмӑршӑра пурӑнакансем вырӑнти влаҫсем патне ҫул тытнӑ. Анчах та унта татӑклӑ хурав парайман.
Вероника Павлова, Димитрий Макаров
