Тӗнчери лару-тӑру ҫивӗчлениччен ӗҫре, кулленхи пурнӑҫра ытти ҫӗршывра туса кӑларнӑ таварпа кунсерен усӑ курнӑ. Вӗсем сутлӑхран ҫухаласса шутлама та пултарайман. Анчах санкцисене пула вӗсенчен хӑшӗ-пӗрне паян туянма май ҫук. Ҫавна май Чӑваш патшалӑх университетӗнчи ученӑйсем, химипе фармацевтика факультетӗнчи студентсемпе аспирантсем промышленноҫра усӑ курмалли резин хатӗрсем шутласа кӑларнӑ. Вӗсене пӑрӑхсене пӗр-пӗринпе сыпӑнтарнӑ чухне усӑ кураҫҫӗ. Ҫак ӗҫе Чапаев ячӗллӗ пӗрлешӳ ыйтнипе тунӑ. Рецепта наука ӗҫченӗсем пӗрле хатӗрленӗ. Халь цехра резин хатӗрсене хӑйнеевӗрлӗ технологипе ӑсталҫҫӗ.
Алёна Артемкина, Димитрий Макаров
