Ӗҫпе юрӑ уявӗ Мускаври национальноҫсен ҫурчӗ умӗнче иртрӗ. Вӑл чӑваш гимнӗ янӑранинчен пуҫланчӗ. Акатуя кӑҫал Раҫҫейри Культура эткерлӗхӗн тата республикӑри Мухтавлӑ ентешсен Ҫулталӑкне халалланӑ. Мӗн авалтан чӑвашсем ҫурхи ака-суха вӗҫленнине халӑхпа пуҫтарӑнса паллӑ тунӑ. Вӑйӑ картине тӑрса юрӑсем шӑрантарнӑ, пӗр-пӗрне хӑналанӑ. Халӗ те Акатуй ҫӗршыври мӗн пур регионти ентешсене пуҫтаракан уяв шутланать.
Леонид Петров
