Патӑрьел районӗнче халӗ 16 ял хуҫалӑх кооперативӗ ӗҫлет. Вӗсенчен ҫиччӗшӗ патшалӑх пулӑшӑвне тивӗҫнӗ. Анат Туҫа ялӗнче вырнаҫнӑ "Лук-Агро" кооператив та ятарлӑ грант витӗмне кӗҫех туйса илӗ. Хӑйсен вӑйӗпе кӑна вӗсем кӑҫал пин тонна севок вырнаҫакан управӑш ҫӗкленӗ. Хушма 3 ӗҫ вырӑнӗ тунӑ. Пысӑкрах тухӑҫ илес тесе хуҫалӑх нумай пулмасть ҫӗнӗ техника туяннӑ. Пирӗн республикӑшӑн тепӗр ҫӗнӗлӗхе Шӑнкӑртам ялӗнче курма пулать. Ферид Чабатов фермер 5-мӗш ҫул осетр, ҫтерлӗк тата форель ӗрчетет. Ятарлӑ пӗлӳ илмесӗрех 70 метр тӑршшӗ хупӑ бассейн туса 9 пин вӗтӗ пулӑ янӑ.
Алексей Енейкин, Никита Углев
