Филипп Миронович Лукин композитор - мӗн пур тӑван культурӑшӑн ҫав тери пӗлтерӗшлӗ ҫын, ун юррисемпе хайлавӗсем паян та пулас кӗвӗ ӑстисемпе юрӑҫсене хавхалантараҫҫӗ, вӗсене уявсенче янратаҫҫӗ, ун кӗввисем кулленхи пурнӑҫа илемлетеҫҫӗ. Тем тӗрлӗ материалпа пуян пулсан та, чаплӑ музейӗн професси тӗлӗшӗнчен экспозицийӗ лайӑх пулмалла. Композиторӑн ӗҫ вырӑнӗсӗр пуҫне кунта тӗрлӗ кӗнекепе сӑнӳкерчӗк, артист костюмӗ сахал мар. Тата куракансем видео материалсемпе, юрӑсемпе паллашма пултараҫҫӗ. Музей ӗҫне мӗн пуҫарнӑранпах пӗр укҫасӑр йӗркелесе пыраҫҫӗ. Ӗҫӗ сахал мар, паллах, ҫуртне те, пӳлӗмне те тивӗҫлӗ таран тытса тӑмалла.
Александр Осипов, Юрий Васильев
