Юмах юратман ача ҫук ӗнтӗ. Асамлӑ тӗнче пӗчӗккисене илӗртсе кӗрсе ырӑпа усала, илемлипе килпетсӗррине уйӑрма вӗрентет, сӑнарлӑ шухӑшлавне аталантарать. Чӑваш кӗнеке издательстви хальччен халап пуххисем чылай кӑларнӑ, кун йышши пулманччӗ-ха. Унӑн хӑйне евӗрлӗхӗ - сюжет йӗрӗпе, сӑнарӗсемпе чӑвашсеннине ҫывӑх ытти халӑх юмахӗсене танлаштарма май туса панинче. Кӗнеке вӗҫӗнчи ятарлӑ вӑйӑсемпе ыйтусем урлӑ ача пӗлӗвне анлӑлатать, тӗпчеме вӗренет.
Марина Карягина, Екатерина Янгалакова.