Ҫӗршыври шырав отрячӗсен хастарӗсем Шупашкара 43 регионтан килсе ҫитрӗҫ. Пӗтӗмпе 150 ҫын. Слета уҫмашкӑн пурте Чӑваш патшалӑх университечӗн культура керменӗнче пухӑнчӗҫ. Вӗсене "Раҫҫей шырав юхӑмӗн" яваплӑ секретарӗ, Патшалӑх Думин депутачӗ Елена Цунаева саламларӗ. Паянхи ҫӑмӑл мар лару-тӑрӑва палӑртса патриотла ӗҫре тӑрӑшакансене ӑнӑҫу сунчӗ. Шырав ӗҫӗнче вӑй хуракан студентсем хӑйсен тивӗҫне май килнӗ таран туллин пурнӑҫлаҫҫӗ. Тӑван ҫӗршыва хӳтӗлесе пуҫ хунӑ паттӑрсен ячӗсене ӗмӗрлӗх халӑх асӗнче хӑварас тесе тӗрлӗ экспедиципе семинарсенче хутшӑнаҫҫӗ, конкурссенче палӑраҫҫӗ.
Алексей Енейкин, Вадим Владимиров
