Вӗсем учрежденисенчи пушар хӑрушлӑхсӑрлӑхне, юсав мӗнле иртнине, тирпейлӗхе тӗрӗслеҫҫӗ. Ҫавӑн пекех Роспотребнадзор ыйтнипе кашни учрежденире вируса пӗтерекен хатӗрсем пулмалла. Тӗп хулара тӗрӗслев комиссийӗ чи малтан Шупашкарти 1-мӗш гимназире пулчӗ. Ҫӗнӗ вӗренӳ ҫулне кунта тӗплӗ хатӗрленнӗ: стенасене сӑрланӑ, шыв пӑрӑхӗсене улӑштарнӑ. Комисси пӗр ҫитменлӗх те асӑрхамарӗ. Коронавирусран сыхланас тесе гимназире рециркуляторсем вырнаҫтарнӑ. Унсӑр пуҫне кунти учительсем профилактика ӗҫне вӗрентекен курсра ӑсталӑхне ӳстернӗ.
Алена Артемкина, Игорь Ульянов