Специалистсем палӑртнӑ тӑрӑх, ятарласа хатӗрленӗ вырӑнта шыв аван ӑшӑнать, юшкӑн сахал, вӑлчана аталанмашкӑн пӗтӗмӗшле майсем лайӑх. Кунта 3 тӗрлӗ пулӑ тӗл пулать. Уланкӑн вӑлчисен шайӗ 5 процент. Ҫупахӑн - 30 процент. Хӗрлӗ куҫ вара 65 процент таран йышӑнать. Тӗп тӗллев - пулӑсен йышне малтанхи шая ҫитересси. 2 тонна пулӑ ӗрчессе шанаҫҫӗ. Пӗлтӗр - пӗр тонна та 600 кило пулнӑ. Кӑҫал йӑвасен шучӗ нумайрах, ҫавӑнпа кӑтартусем те лайӑхрах пуласси куҫкӗрет.
Надежда Александрова, Лидия Галактионова, Виктор Степанов
