Тӗп ӗҫсенчен пӗри халӗ - культура объекчӗсене йӗркене кӗртесси тата ӑшӑ тытӑмне ҫӗнетесси. Олег Николаев ӗҫлӗ ушкӑнпа пӗрле 3 культура ҫуртне ҫитсе курчӗ. Берестовое ялӗнче ӗҫсене вӗҫленипе пӗрех, Андреевка поселокӗпе Осипенко салинче графикран юларах пыраҫҫӗ. Чӑваш Ен Пуҫлӑхӗ Строительство министерствине объектри лару-тӑрӑва ҫирӗп тимлесе, палӑртнине вӑхӑтра вӗҫлеме хушрӗ. Ҫитес ҫула та калӑпӑшлӑ тӗллевсем лартнӑ. Дмитровкӑпа Николаевкӑри клубсене тӗпрен юсамалла, Осипенкори шыв тытӑмне улӑштармалла. 2027-мӗшӗнче ҫак ӗҫе тепӗр 4 ялта ирттермелле. 2028-мӗшӗнче - тата виҫҫӗшӗнче.
Алиса Александрова
