Конкурса хутшӑнакансен виҫӗ ӗҫ пурнӑҫламалла пулчӗ. Малтанах "дефиле" иртрӗ. Унтан кашниех хӑйӗнпе видеороликра паллаштарчӗ. Пултарулӑхне юрӑ-ташӑра та уҫса пачӗҫ. Ӑмӑртӑвӑн кашни тапхӑрӗнче хӗрсене вӗрентекенсемпе юлташӗсем тата ашшӗ-амӑшӗ хавхалантарса тӑчӗ. Кунта чи пахи ҫӗнтерни мар - хутшӑнни. - Пирӗн тӗп тӗллев - инвалид ҫамрӑксене хавхалантарасси, пултарулӑхне уҫма, ҫӗнӗ-тус юлташ тупма пулӑшасси, - теҫҫӗ тупӑшӑва йӗркелекенсем. Конкурса хутшӑнакан чиперккесем ыттисемшӗн те тӗслӗх. Ниме пӑхмасӑр вӗсем хӑйсен ӗмӗчӗсем патне утаҫҫӗ. "Мисс Тихая Чувашия" ята хавшак сывлӑхлӑ ачасен Шупашкарти 3-мӗш шкулӗнче вӗренекен Анна Николаева тивӗҫрӗ.
Ксения Потапова, Святослав Петров.








