Акцие хутшӑнакансене Чӑваш наци музейне йыхравлани ӑнсӑртран мар. Диктанта кунта Раҫҫейӗн тӗрленӗ карттине вырнаҫтарнӑ залра ҫырчӗҫ. Ҫакӑ ыйтусене хуравлакансемшӗн хӑйне евӗрлӗ пулӑшу пулчӗ. Диктантра пурӗ 30 ыйту. Вӗсенчен 20-шӗ Раҫҫейри тӗрлӗ халӑх культурипе, 10-шӗ вара Чӑваш Республикипе ҫыхӑннӑ. Ӗҫе пурнӑҫлама 45 минут параҫҫӗ. Диктант ҫыракансем пур ыйту та кӑсӑклӑ пулнине палӑртрӗҫ.
Оксана Верликова, Екатерина Янгалакова
