Тӗп хулара кӗнеке юратакансен пӗрлешӗвӗсем пур. Наци библиотекинче, сӑмахран, тӑтӑшах "Варкӑш" литература клубӗ пуҫтарӑнать. Унта ҫӗнӗ кӗнекесен хӑтлавне ирттереҫҫӗ, ку е вӑл авторӑн ҫавраҫулне уявлаҫҫӗ, литература каҫӗсем йӗркелеҫҫӗ. Наци библиотекинчех аслӑ классемпе студентсем валли "Сантьяго" вулав клубӗ ӗҫлет. Унта ҫӳрекен ҫамрӑксем икӗ эрнере пӗрре пухӑнса ку е вӑл хайлава сӳтсе яваҫҫӗ. "Чаепите с Набоковым" наукӑпа литература пӗрлешӗвӗ те пур. Вулакансен кунне халӑха кӗнекепе, хаҫат-журналпа ытларах кӑсӑклантарас тесе ирттереҫҫӗ. Страница хыҫҫӑн страница шӗкӗлчени кашниншӗн усӑллӑ. Кӗнеке вулаҫҫӗ-и хула ҫыннисем? Ҫакна эпир иртен-ҫӳренрен ыйтса пӗлтӗмӗр.
Алена Артемкина, Виктор Степанов








