Вӑрмар суйлав округне харӑсах 3 муниципалитет кӗрет. Вал шутра Куславкка тӑрӑхӗ те. Кашнинче хӑйӗн ҫивӗч ыйтӑвӗсем. Куславккана илес пулсан, кунта нумай ӗҫ туса ирттернӗ. Ҫӗнелнӗ хыҫҫӑн Лобачевский музейӗ уҫӑлнӑ, причал стенкин проекчӗ патшалӑх экспертизи тухнӑ. Вӑрмарпа Тӑвай тӑрӑхӗсенче вара ҫулсем юсанӑ. Чӑваш Ен кӑҫал ача-пӑчапа ҫамрӑксен спортне аталантарассипе чи лайӑх 5 регион йышне кӗнӗ. Кунта "Единая Россия" партин "Ача-пӑча спорчӗ" проект координаторӗн Леонид Пронинӑн тӳпи пысӑк. Сӑмахран, кӑҫал ача-пӑча футболӗн Пӗтӗм Раҫҫейри 6-мӗш фестивалӗ иртнӗ. Пирӗн хӗрсен ушкӑнӗ пӗрремӗш хут 2-мӗш вырӑн йышӑннӑ. "Тӗрлӗ спорт тӗсне аталантарма тӑрӑшатпӑр. Вӑл шутра шахмат, йӗлтерпе чупасси, самбо", тет депутат. Ҫитӗнекен ӑрӑва воспитани парасси - тепӗр пӗлтерӗшлӗ ыйту. Кӑҫал Вӑрмар шкулӗнче вӗренекенсем Леонид Пронин пулӑшнипе пӗтӗм Раҫҫейри экологи форумне хутшӑннӑ, 2-мӗш вырӑн йышӑннӑ. Депутат ҫавӑн пекех "Без срока давности" куҫса ҫӳрекен курава йӗркелекенсенчен пӗри. Экспозици нацистсен синкерлӗхне сӑнлать.
Куравпа республикӑн пур хулипе округӗнче пурӑнакансем паллашма пултараҫҫӗ. Ҫавӑн пекех ятарлӑ ҫар операцине хутшӑнакансене тата вӗсен ҫемйисене те манмаҫҫӗ. 2025-мӗш ҫула Владимир Путин
Указӗпе Тӑван Ҫӗршыв хӳтӗлевҫин Ҫулталӑкӗ тесе йышӑннӑ. Ҫакӑ Аслӑ Ҫӗнтерӳ 80 ҫул тултарнӑ май уйрӑмах пӗлтерӗшлӗ.
Диана Иванова, Светлана Позднякова, Виктор Степанов
