2025-мӗш ҫулта Чӑваш Енре ГТО юхӑмӗ татах та анлӑланни куҫкӗрет. Унта 130 пин ытла ҫын регистарциленнӗ, 85 пинӗшӗ нормативсене пурнӑҫлама пуҫланӑ. Атӑл тӑрӑхӗнчи регионсем хушшинче Чӑваш Ен 1-мӗш вырӑнта, Раҫҫейӗпе - 3-мӗш. Кӑҫалхи старта хӑйне евӗрлӗ реабилитаципе те танлаштарма пулать. Ветерансемшӗн вӑл хутшӑну тата пӗрлӗх лапамӗ пулса тӑчӗ. Ӑмӑртусенче кашни харпӑр хӑйшӗн тата ушкӑнпа тупӑшрӗ. Туртӑнса, тӑршшӗне сиксе, тӗрлӗ хӑнӑхтару туса вӑй виҫрӗҫ. Фестивале хутшӑнакансем хӑйсен ҫирӗплӗхне тивӗҫлӗ шайра кӑтартса пачӗҫ, ГТО - регионӑн спорт никӗсӗ пулнине тепӗр хут ӗнентерчӗҫ.
Алиса Александрова
