Тӗп хулари 20-мӗш шкула 1974-мӗш ҫулта хута янӑ. Унтанпа ӑна пӗрре те юсаман. Вӗренӳ пӳлӗмӗсем самаях кивелнӗ пулнӑ. Юсав вӑхӑтӗнче шкулӑн ҫивиттие, чӳречесене улӑштарнӑ. Ҫуртра инженери коммуникацийӗсене тата шыв тытӑмне юсанӑ. Сӗтел-пуканпа алӑксем те йӑлтах ҫӗнӗ. Ӗҫсем вӗҫленессе вӗрентекенсем те, вӗренекенсем те чӑтӑмсӑррӑн кӗтнӗ.
Тӗп хулари 35-мӗш шкул та тӗпрен улшӑннӑ.1970-мӗш ҫултанпа кунта пӗрремӗш хут пӗтӗмпех ҫӗнетнӗ. Ӗҫсем пынӑ вӑхӑтра ачасем 38-мӗш шкулта вӗреннӗ. Тӑван пӗлӳ ҫуртӗнчи ҫӗнӗ спорт залӗ, хальхи кабинетсем - пысӑк парне пекех. Хальхи шкулсем ачасене ҫитӗнӳсем тума, тарӑн пӗлӳ илме пулӑшӗҫ.
Ксения Потапова, Олег Шашурин, Святослав Петров








