"Ҫӗнтерӳ диктанчӗ" акцие Раҫҫейри пур регионпа пӗрлех ытти ҫӗршывсем те хутшӑнаҫҫӗ. Пӗрремӗш хут ӑна 2019-мӗш ҫулта "Единая Россия" парти пуҫарӑвӗпе йӗркеленӗ. Унтанпа кашни ҫул диктант ҫырас текенсен шучӗ ӳссех пырать. Пӗлтӗр акцие пурӗ 28 пин лаптӑкра 2 миллиона яхӑн ҫын хутшӑннӑ. Уйрӑмах ку енӗпе вӑтам тата аслӑ професси пӗлӗвӗ паракан учрежденисем хастарлӑх кӑтартаҫҫӗ. Диктант ҫырмалли 4 лаптӑк, тӗслӗхрен, Чӑваш патшалӑх университетӗнче пулӗ. Пӗлтӗр ку аслӑ шкулта акцие 600 ытла ҫын хутшӑннӑ пулсан, кӑҫал вӗсен шучӗ пине ҫитессе шанаҫҫӗ. "Ҫӗнтерӳ диктанчӗн" условийӗсем малтанхи пекех: 45 минутра 25 ыйтӑва хуравламалла. Йӗркелӳҫӗсем пур кӑмӑл тӑвакана та пӗлӗвне тӗрӗслеме йыхравлаҫҫӗ.
Оксана Верликова, Елена Буинцева, Виктор Степанов
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Республикӑра "Ҫӗнтерӳ диктанчӗ" ҫырма хатӗрленеҫҫӗ&mh_tags=чувашский выпуск,&mh_page=http://chgtrk.ru/novosti/nacionalnye-novosti/respublikara-centery-diktanche-cyrma-haterlenecce/){kind=small}