Раҫҫейри "Зеленые" экологи партийӗн регионти уйрӑмӗ Чӑваш Ен Пуҫлӑхӗ пулма Владимир Савинова тӑратнӑ. "Новые люди" партирен суйлава Максим Морозов хутшӑнать. ЛДПР парти кандидачӗ - Константин Степанов. Пенсионерсен партийӗ регион тилхепине Владимир Ильин тытма пултарать тесе йышӑннӑ. Кандидатсен халӗ тепӗр яваплӑ тапхӑр пуҫланать - суйлавҫӑсемпе тӗл пулса хӑйсен программипе паллаштарасси.
Аса илтеретӗп, Чӑваш Ен Пуҫлӑхне суйлама пирӗн республикӑра виҫӗ кун уйӑрнӑ - авӑн уйӑхӗн 12-мӗшӗнчен пуҫласа 14-мӗшччен. Ҫынсем хӑйсен шухӑшне суйлав участокне пырса е электронлӑ майпа патшалӑх пулӑшу ӗҫӗсен порталӗ урлӑ пӗлтерме пултараҫҫӗ.
Екатерина Фомина
