Тухтӑрсем те, массӑллӑ информаци хатӗрӗсенче те кун пирки аса илтерсех тӑраҫҫӗ. Анчах та чылай чухне пӑтӑрмах пирӗн тӗлтен иртсе каясса шанатпӑр, тимлӗхе ҫухататпӑр. Ҫӗртме уйӑхӗнче травматологи уйрӑмне ҫӳллӗшӗнчен ӳкнӗ 3 ачана илсе пынӑ. Ҫанталӑк тӑрук шӑрӑхлатнипе килти кантӑксем уҫӑ. Аслисем юнашарах пулсан та лара-тӑра пӗлмен ачасем часах чӳрече янахӗ ҫине хӑпараҫҫӗ, шӑна-пӑванран хӳтӗлекен сетка ҫине таянса тухса ӳкеҫҫӗ. Ҫавӑнпа та чӳрече ҫывӑхӗнчи сӗтел-пукан таврашне айккине куҫармалла, кантӑксене уҫма чаракан хатӗрсем лартмалла. Утӑ уйӑхӗнчи 1 талӑкра кӑна тухтӑрсем патне 3 ачана илсе пынӑ.
5-ри арҫын ача ӳксен йывӑр аманнӑ, хальлӗхе вӑл реанимаци уйрӑмӗнче. Ашшӗ-амӑшӗ ӑна килӗнче пӗчченех хӑварнӑ. Ҫулла - ачасемшӗн хаваслӑ, ҫавӑн пекех вӗсен сывлӑхӗшӗн, пурнӑҫӗшӗн хӑрушлӑх кӑларса тӑратма путаракан тапхӑр. Ҫавӑнпа та ывӑл-хӗре куҫран вӗҫертмелле мар, хӑйсене тӗллӗн хӑвармалла мар.
Алиса Александрова, Игорь Ульянов
