Ӑмӑрту "Рассвет" спорт комплексӗнче иртрӗ. Боксерсем мала тухассишӗн 4 ушкӑнра тупӑшрӗҫ. Икӗ куна пынӑ турнирӑн малтанхи кунӗнче 3-мӗш вырӑнсемшӗн вӑй виҫрӗҫ. Тепӗр кун вара финалти хӗрӳ ӑмӑрту пулчӗ. Чи пысӑк команда - кил хуҫисен. Унти 16 спортсменран 11-шӗ финала тухма пултарчӗҫ. 4-шӗ вара ҫӗнтерӳҫӗ ята тивӗҫрӗ. Вӗсен йышӑнче Марат Васильев та. Вӑл 13-14 ҫулти каччӑсем хушшинче 50 килоллӑ виҫе категорийӗнче чи вӑйли пулчӗ. Спортсмен хӑйӗн ҫӗнтерӗвне ятарлӑ ҫар операцинчи тӑванне халалларӗ. Пурӗ вара турнирта наградӑсене 26 номинацире выляттарчӗҫ.
Оксана Верликова, Вячеслав Ильин
