"Станиславский.com" театрта паян — премьера

Чехов кураканшӑн яланах кӑсӑклӑ. Текста улӑштарман. Ҫав вӑхӑтрах тӗрлӗ кӑсӑклӑхсем тупма тӑрӑшнӑ Антон Савельев режиссер. Вӑл сасӑпа тата ҫутӑпа ыттисенчен урӑхларах усӑ курма пӗлет. Ҫавӑнпа произведени пач ҫӗнӗлле курӑнать. Режиссер классик пьесипе ӗҫлеме тахҫанах ӗмӗтленнӗ. Халӗ тинех пиҫсе ҫитрӗм, тет. Хайлавӗ ҫӑмӑл мар, репетицисем 3 уйӑх пыраҫҫӗ. Юсава мӗнле вӗҫлеме йывӑр, спектакле те тӑтӑшах якатма пулать, ҫавӑнпа ӑна часрах куракан патне ҫитермелле, тет режиссер. Унпа артистсем те килӗшеҫҫӗ. 

"Тунсӑх хушшинче ҫынсем вырӑнне сӑрӑ пӑнчӑсем ҫӳреҫҫӗ", - Чехов ҫапла питӗ тӗрӗс, ним шеллемесӗр вырӑссем пирки ҫырнӑ. "Ваня кукка" пьеса та ҫавӑн пиркиех. Кунта ял пурнӑҫне кӑтартнӑ. Сӑнарсем пурнӑҫ тӗллевӗ пирки шухӑшлаҫҫӗ. Ҫав вӑхӑтрах юрату тунсӑха сирме пулӑшать, савӑнтарать. "Станиславский.com" ыттисенчен урӑхларах театр пулнӑран, постановка та хӑйнееверлӗ пулса тухнӑ. 

Надежда Александрова, Наталия Егорова, Виктор Степанов