Дина Николаевнана ансамбль йӗркелес шухӑш 2011-мӗш ҫулта Ҫӗнӗ Шупашкарти конкурсран пысӑк ҫитӗнӳпе таврӑнни хавхалантарнӑ. Ун чухне 33 купӑсҫӑ хушшинче ушкӑн ҫӗнтерӳҫӗ пулса тӑнӑ. 9 ҫынран тӑракан ҫемье коллективӗ ҫулран-ҫул ӳссе, аталанса пынӑ. Паянхи кун ансамбльте 24-ӑн. Мӑнукӗсем те, хӑти-тӑхлачисем те сцена ҫинче халӗ. Репетицине Шупашкар районӗнчи Ҫӗньяла тӗп хуларан, Канаш, Куславкка тӑрӑхӗсенчен ҫӳреҫҫӗ. Пысӑк ансамбльте кашниех пӗр-пӗр инструментпа калас ӑсталӑха алла илнӗ. Мари республикинче иртнӗ кӑҫалхи конкурса 35 ҫемье ансамблӗ хутшӑннӑ. Пирӗн республикӑран - пӗртен-пӗр ушкӑн. Тӳресен чунне чӑвашсем пур енлӗн тыткӑнлама пултарнӑ. "Пуринчен те пахи - ансамбльти пӗчӗк артистсем - пирӗн мӑнуксем мӗн ачаран халӑх йӑли-йӗркине ӑша хывни, хисеплени", - теҫҫӗ "Кӑмӑл" ушкӑна ҫӳрекенсем.
Алиса Александрова, Димитрий Макаров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Шупашкар районӗнчи "Кӑмӑл" ҫемье ансамблӗ регионсем хушшинчи фестивальтен тӗп парнепе таврӑннӑ&mh_tags=чебоксарский район,ансамбль,&mh_page=http://chgtrk.ru/novosti/kultura/shupashkar-rayonenchi-kamal-ceme-ansamble-regionsem-hushshinchi-festivalten-tep-parnepe-tavranna/){kind=small}