Трактор тӑвакансен культура керменӗнчи артистсем "Чи лайӑх хор коллективӗ" номинацире "Регионти юрӑ йӑли-йӗркине сыхласа хӑварнӑшӑн" ятарлӑ премине тивӗҫнӗ. "Русское поле" фестивале ҫӗршыври 62 регионтан пин ҫурӑ ытла ҫын хутшӑннӑ. Фольклор уявӗ тӑван историпе культурӑна юратакан, ӑна юрӑ-кӗвӗре аталантарма тӑрӑшакан хастарсене пӗрлештерекен ӗҫ-пуҫ пулса тӑнӑ. "Парне" ушкӑн ертӳҫи Светлана Тяхмусова палӑртнӑ тӑрӑх, фестивальте ҫӗршыври тӗрлӗ пултарулӑх коллективӗпе ҫывӑхрах паллашни малашне те халӑх пуянлӑхне упраса хӑварассипе ӗҫлеме хистет.
Оксана Верликова
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Мускавра регионсем хушшинчи "Русское поле" славян искусствин фестивалӗ вӗҫленнӗ&mh_tags=фестиваль,&mh_page=http://chgtrk.ru/novosti/kultura/muskavra-regionsem-hushshinchi-russkoe-pole-slavyan-iskusstvin-festivale-veclenne/){kind=small}