8 пултарулӑх ушкӑнӗшӗн культура керменӗн сцени вӑхӑтлӑх тӑван кил пекех пулса тӑрӗ. Конкурс пуҫланнӑ кун студентсем хӑйсен концерт программисен визиткисемпе паллаштарчӗҫ. Пӗр тапхӑр залра ларакансем коммуналлӑ хваттере ҫитсе пӗр хулари шоуна лекрӗҫ. Пултаруллӑ яш-кӗрӗм темиҫе уйӑх сценари хатӗрленӗ, репетицисем ирттернӗ. Чылайӑшӗ студентсен ҫуркуннине конкурс пек кӑна мар, тата ҫывӑхрах йышӑнать.
Студентсемшӗн ҫурхи уяв шоусем хатӗрлемелли, ҫӗнӗ меслетсене ӗҫе кӗртмелли фестиваль. Андрей Александров ректор палӑртнӑ тӑрӑх, ҫулленех зал лӑк тулли, куракансемпе хальхинче хӑйсене мӗнпе тӗлӗнтерессе кӗтеҫҫӗ.
Юратнӑ командӑсене хавхалантарма тӗрлӗ региона саланнӑ ӗнерхи студентсем те килеҫҫӗ. Кӑҫалхи фестивалӗн тӗп шухӑшӗ - "Ҫӗнтерӳсен пӗрлӗхӗ". Йӗркелекенсем ӑнӑҫу ушкӑнри кашни ҫын ӑсталӑхӗнчен килнине тепӗр хут аса илтерес тенӗ. Студентсен ҫуркуннин Гала-концерчӗ ака уйӑхӗн 1-мӗшӗнче иртӗ.
Алиса Александрова, Антонина Капитонова, Денис Афанасьев
