"Ниме - халӑх бюджечӗ" проект республикӑри ял-хула сӑн-сӑпатне ырӑ витӗм кӳме пулӑшать

Пуҫару Чӑваш Енре пурӑнакансен шанӑҫне тӳрре кӑларса пынӑ май ҫулсерен программӑна кӗрес текенсен йышӗ те ӳсет. Шупашкарти Павлов мичман урамӗнчи хӑш-пӗр ҫурт картишӗнчи объектсене пирӗн пултарулӑх ушкӑнӗ ҫитсе курчӗ. 

Обществӑлла тӗрӗслевҫӗсем хыснаран уйӑрнӑ тата халӑхран пухнӑ укҫана подрядчиксем мӗнле усӑ курнине хак пачӗҫ. Пӗрремӗш адрес - Павлов мичман урамӗнчи 60-мӗш ҫурт картишӗ. Пӗрле тӑрӑшни харама кайманни пурне те савӑнтарать. Ашшӗ-амӑшӗ кӑмӑллӑ, ачасем те хальхи йышши лапамран кайма пӗлмеҫҫӗ. Ҫывӑхри ҫуртсенчен килекен те нумайӑн. Спорт хатӗрӗсене вырнаҫтарни, чуччусем лартни кӑна мар, таврашне те хӑтлӑх кӳмелле. 

Ҫак урамрах вырнаҫнӑ 66-мӗш ҫурт картишне йӗркене кӗртессине хӑй ҫине "Дорэкс" пӗрлешӳ илнӗ. Тӑкаксен пысӑкрах пайне йӗрке тӑрӑх республика тата вырӑнти бюджет саплаштарать, ытти укҫа - халӑхран пуҫтарни. Ҫанталӑк аван тӑрсан мӗн-пур ӗҫе 2 эрнере вӗҫлеме палӑртнӑ. 

2027-мӗш ҫулти программӑна кӗрес тесе Шупашкарта пурӑнакансем тӗрлӗ объектшӑн 23 пин сасӑ панӑ. Сасӑлав юпа уйӑхӗн 2-мӗшчен "Чувашия Онлайн" платформӑра пырать. 

Алиса Александрова, Антонина Капитонова, Вадим Владимиров