Республикӑра шартлама сивӗ пулни антициклонпа ҫыхӑнтараҫҫӗ. Синоптиксен сӑмахӗпе, вӑл пирӗн пата Арктика енчен килнӗ. Кӑнтӑрла вӑтам температура 20-25 градус сивӗ пулнӑ. Хӑш-пӗр муниципалитетра вӑл 30 градусран иртнӗ.
Тата маларах ҫулсенче 40-е яхӑн градус сивӗ пулнине те шута илнӗ синоптиксем. Ҫавӑнпа кӑҫалхи ҫанталӑка рекорд теме ҫук. Антициклон хӑвачӗ вӗҫленсе пырать. Паян кӑнтӑрла 15-20 градус сивӗ. Эрне вӗҫнелле ҫанталӑк тата ӑшӑтӗ. Кӑнтӑрла вӑтамран 7-13, каҫсерен 15-20 градус сивӗ пулать. Ырантан хӑш-пӗр муниципалитетра ҫил тухнине пӗлтереҫҫӗ Чӑвашгидрометеоцентра.
Ҫулсем пӑрлак, йывӑҫсене пас тытнӑ. Республикӑра виҫерен 10 градус сивӗрех пулчӗ. Хӗлле кирек епле ҫанталӑкра та ӑшӑ ҫи-пуҫ тӑхӑнмалла. Тӑм илесрен асӑрханмалла.
Алена Артемкина, Виктор Степанов
