Етĕрне районĕнче ăмăртнă хыççăн спортсменсем мăнаçлă техникăпа Шупашкар урамĕсемпе иртсе кÿлемĕшре хула çыннисемпе тĕл пулчĕç.
Оксана Баскакова, Вячеслав Ильин
Пĕрремĕш хут „Пурçăн çул“ ралли 2009 çулта иртнĕ. Ун чухне ăмăрту 3 çĕршыва – Раççее, Казахстана тата Туркменистана пĕрлештернĕ. Кăçалхи „Пурçăн çул“ Мускавран старт илнĕ, Китайри Сиань хулинче вĕçленĕ. Пĕтĕмпе спортсменсем 9 пин çухрăм парăнтарĕç. Чăваш Енре вĕсем Шупашкарти аэроклубра палаткăсенче çĕр каçрĕç. Вĕсемпе тата йĕркелÿçĕсемпе Республика Пуçлăхе Михаил Игнатьев тĕл пулчĕ, марафона хутшăнакансене ăнăçу сунчĕ.
