29 мая 2017 06:55   5°   $56,76 €63,67


Вести-Чăваш ен

Чăваш Енре «Шанчăклă партнер» федераци конкурсĕн регионти тапхăрне пĕтĕмлетрĕç

Республикăра ăна Чăваш правительстви тата энергипе тивĕçтерекен компани ирттерет. Чи лайăххисем тесе 24 предприятие палăртнă. Вĕсем энергетиксем умĕнче хăйсен тивĕçне вăхăтра тата туллин пурнăçлаççĕ.

25.05.2017 18:50

Чăвашсем йышлă пурăнакан регионсенче Акатуйсем пуçланаççĕ

Çавна май Чăваш Республикин делегацийĕ паян инçе çул çÿреве тухса кайрĕ. Вĕсем Пушкăрт, Тюмень, Красноярск, Иркутск тăрăхĕсене çитĕç. Владимир Тимофеев, Зоя Яковлева Делегаци йышĕнче тĕрлĕ регионти чăвашсен наципе культура пĕрлешĕвĕсен ертÿçисемпе хастарĕсем, „Кĕмĕл сасă“ конкурс лауреачĕсем, журналистсем.

25.05.2017 18:49

Пулас çăлавçăсем ăмăртрĕç

Шупашкарта пушара хирĕç кĕрешекен çамрăксен республикăри 27-мĕш слечĕ иртрĕ. Унта Чăваш Енри 17 районти 18 ушкăн вăйне тĕрĕслерĕ. Надежда Александрова, Михаил Солин Кăçалхи ăмăртусен çĕнĕлĕхĕ - кашни командăра пĕр хĕрачаран кая мар пулмалла.

24.05.2017 19:17

Анна Мамиконова хореограф 35 çул культура анинче тăрăшнине паллă турĕç

Шупашкарти ачасемпе çамрăксен пултарулăх керменĕнче - чаплă уяв. Чи илемлĕ ташшисене «Галатея» ансамбль ертсе пыраканне, вĕрентекенне, пултаруллă хореографа Анна Мамиконована халалларĕ.

23.05.2017 19:05

Вăрмар районĕ чи таса мар муниципалитетсен йышне лекнĕ

Халăх фрончĕн Чăваш Енри уйрăмĕн хастарĕсене республикăра ирĕк паман вырăнта çÿп-çап куписем ÿсни канăç памасть. Нумаях пулмасть вĕсем патне Вырăс географи пĕрлешĕвĕ те çырупа тухнă.

23.05.2017 19:04

Шупашкарта халăхсем хушшинчи кино фестивалĕ савăнăçлă лару-тăрура уçăлчĕ

Ăна вак халăхсен кинематографне халалланă. Конкурс программинче 30 ытла фильм. Куракансем вара пĕтĕмпе 60 автор ĕçĕпе паллашма пултарĕç. Оксана Баскакова, Наталия Егорова, Михаил Солин Уява килекенсене оркестр кĕтсе илчĕ, хăнасен кăмăлне хавхалантарчĕ.

23.05.2017 19:03

Ача сатĕнче çут çанталăка хӳтĕлемелли кун иртрĕ

Тăван тăрăха юратма ачаранах вĕрентмелле. Экологи çулталăкĕнче çакă уйрăмах пĕлтерĕшлĕ. Шупашкарти 85-мĕш ача сатĕнче çут çанталăка хӳтĕлемелли кун иртрĕ.

23.05.2017 19:02

Мускавра пурăннă çемье Сĕнтĕрвăрри районне таврăнса чаплă кил-çурт çавăрнă

Ялти халăх хуланалла тарать, çав вăхăтрах хуларан таврăнса ялта тĕпленекен те пур. Вĕсене ĕç çукки те хăратмасть. Сĕнтĕрвăрри районĕнчи Нина Скворцова Мускаври хваттерне хăварсах тăван ялне куçса килнĕ.

22.05.2017 20:01

Çăлавçăсемпе волонтерсем Атăл хĕррине тирпейлерĕç

Шăмат кун, Атăл кунĕнче, республикăра «Таса çыран» акци иртрĕ. Ăна Чрезвычайлă лару-тăру министерстви кашни çул Раççейĕпех йĕркелет. Çăлавçăсем тата волонтерсем Шупашкарти Атăл çыранне ăпăр-тапăртан тасатрĕç.

22.05.2017 20:01

Канаш районĕнчи пĕр ялта çул çуккипе çамрăксем тарса пĕтесрен шикленеççĕ

«Çуркунне çанталăк чĕрĕлсе илемленет, пирĕншĕн вара урамра пылчăк çăрмалли вăхăт çитет. Çуран çӳрекенсем резин атă-калуш тăхăнаççĕ, машинсем лачакаллă урамсене кĕме тăхтаса тăраççĕ», - теççĕ Канаш районĕнчи Муллаварта пурăнакансем.

22.05.2017 19:59

Канаш районĕнчи Пайкилт ялĕнче Чăвашпа Пушкăрт республикисене пĕрлештерекен поэзи паркĕ уçăлчĕ

Улма-çырла пахчине тăван литература классикĕсене халалларĕç. Хаваслă лару-тăрура пирĕн корреспондент Алексей Енейкин пулчĕ. Алексей Енейкин, Владимир Смирнов Çеçпĕл Мишшине Константин Ивановпа тата Ухсай Якковĕпе çыхăнтаракан поэзи паркне канашсем иртнĕ çулсенче йĕркелеме палăртнă.

22.05.2017 19:57

Республикăра мĕн пур Раççейри пекех «Музей каçĕ» акци иртрĕ

Чăваш Енри учрежденисен алăкĕсем кашни кураканшăн уçă пулчĕç. Вăл шутра Трактор историйĕн наукăпа техника музейĕнче те. Унта мĕн кăсăкли пулни çинчен Леонид Петров корреспондент каласа кăтартать.

22.05.2017 19:56

Чăваш Енре регионсем хушшинчи çветтуй Гурий ячĕллĕ вулав иртрĕ

Вăл икĕ куна пычĕ. Конференцисем Улатăрта тата Шупашкарта пулчĕç. Вĕсем ăсчахсемпе чиркӳ çыннисене, аслисемпе ачасене пĕрлештерчĕç. Надежда Александрова, Зинаида Паршагина, Александр Яковлев Гурий çветителе халалланă форум тĕп хулара Чăваш патшалăх университетĕнче тата Наци библиотекинче иртрĕ.

22.05.2017 19:55

Республикăра халăхран пуçтаракан сĕт йÿнелнин сăлтавне тĕпчеççĕ

Ялта пурăнакансене сĕт хакĕ чакни хумхантарать. Чăваш Енре Атăл тăрăхĕнчи ытти регионри пекех çынсенчен 1 литрне вăтамран 16 тенкĕ те 40 пуспа пуçтараççĕ.

19.05.2017 19:34

Кино фестивалĕ уçăлакан „Çеçпĕл“ театра Республика Пуçлăхĕ тĕрĕслерĕ

«Çеçпĕл» кинотеатр çурчĕ хăнасене йышăнма хатĕр. Çитес эрнере кунта Шупашкарти 10-мĕш кино фестивалĕ пуçланать. Ку уява мĕнле хатĕрленнине паян Республика Пуçлăхĕ Михаил Игнатьев тĕрĕслерĕ.

19.05.2017 19:33

Статистика службинче 2015 çулти микроçырава пĕтĕмлетнĕ

Иртнĕ çыравра мĕнле çĕнĕлĕхсем пулнă? Халăхăн миçе проценчĕ ыйтусене хуравланă? Чăвашстатра 2015 çулти халăх микроçыравне пĕтĕмлетрĕç. Алиса Александрова, Вадим Владимиров Ку пĕлтерĕшлĕ ĕç Раççейри мĕн-пур ял-хулара иртнĕ.

19.05.2017 19:30

Наци библиотекинче чăваш халăх аталанăвĕнче пысăк вырăн йышăннă çынсене аса илчĕç

Унта «Çутлăх элчисем Николай Ильминский, Николай Поппе, Константин Прокопьев тата вĕсен чăваш ăслăлăхĕнчи тӳпи» темăпа «çавра сĕтел» тавра пуçтарăнса калаçрĕç.

18.05.2017 19:24

Çамрăк инспекторсен слечĕн çĕнтерÿçисем паллă

Вĕсем çул-йĕр правилисене çеç мар, пĕрремĕш медицина пулăшăвĕ те пама пĕлеççĕ. Республикăра 27-мĕш хут çамрăк инспекторсен «Хăрушсăрлăх урапи» конкурс-слечĕ иртрĕ.

18.05.2017 19:22

Хула тулашĕнчи лагерьсенче ачасене кĕтсе илме хатĕрленеççĕ

Çуллахи каникулччен вăхăт нумай та юлмарĕ. Тепĕр икĕ эрнерен лагерьсем вĕренекенсене йышăнма пуçлĕç. Хальлĕхе вара ача-пăча канмалли вырăнсенче юсав пырать.

18.05.2017 19:21

Сĕнтĕрвăрри районĕнче Тăван çĕршывăн Аслă вăрçинче пуç хунисен ячĕпе асăну хăми уçнă

Сĕнтĕрвăрри районĕнчи Хыркассинче Тăван çĕршывăн Аслă вăрçинче пуç хунă паттăрсене асăнмалли вырăн нихăçан та пулман. Çак ыйтăва татса парассипе çынсем такамран пулăшу кĕтмен, хăйсен вăйĕпе асăну хăми вырнаçтарнă.

18.05.2017 19:20